YON KOLABO POU REKLAME “KREYOL”: Sherlee Skai feat. Princess Eud …Yon Egzanp Pou Endistri a

sherlee-skai“File m’ An Kreyol” se nouvo videyo mizik ke Sherlee Skai soti jodi a.

Apre “Ou manke m” ki soti lane pase, kote atis la te paret pou kont li, nan mizk sa a li chwazi kolabore ak Princess Eud, ki se yon atis feminen tre popile nan endistri a.

Yo pale nan non tout medam ayisyen dapre sa yo di nan entro mizi la, e yo egzije ke mesye yo mache ak bwat kreyol yo, pou yo file yo; Pawol kreyol, Jes kreyol, Panse kreyol … sinon, yo pa ladan l’.

Pou sa, BE Magazine chwazi pibliye atik sa a an kreyol, yon fason pou pote kole nan kanpay valorizasyon lang kreyol k’ap fet atrave mizik sa a.

KOLABO FEMINEN

Nan endistri ayisyen nan, nou pa souvan jwenn medam yo fe kolabo pou yo travay sou yon pwoje mizikal. Sof nan ka se yon mizik ki regwoupe plizye atis, ki ase souvan swa ap lanse yon SOS, oubyen ap rann yon omaj.

Nou pa janm sispann espere we Tifane ak Emeline sou yon track; oubyen Rutshelle G. ak Renette D. , oubyen anko Princess Eud ak Mia … etc.

Menmsi KOLABO pa two pratike nan endistri pa nou an, men bo kote medam yo li preske pa egziste; poutan kolabo fet chak jou nan lot gwo endistri, patikilyeman nan AMI (American Music Industry) la.

Nou te sezi we, le Shakira ak Beyonce te kolabore sou « Beautiful Liar » ki te soti nan lane 2009, kote 2 medam sa yo te pwofite ekspoze talan yo devan tout fanatik mizik. Konpetisyon ke lemonn te mete nan mitan yo a, pa t’ anpeche yo te reyini pou kreye MEGA HIT sa a, ki te pote anpil pou 2 atis yo.

YON GWO PA

Kolabo Princess Eud ak Sherlee Skai la, se yon gwo pa nan endistri a. Nou bezwen plis kolabo konsa toujou. Menmsi piblik la nan konpetitisyon, atis yo pa dwe kite opinyon fanatik anpeche yo kolabore. Paske, tant gen plis atakan k’ap jwe byen, gen plis chans pou make gol.

Se strateji sa a, ke lot nasyon yo gen lontan y’ap itilize. Si li mache pou yo, l’ap mache pou nou tou.

AN N’ KOLABORE AK LOT ATIS SOU TRACK YO … SE YON MWAYEN FASIL POU NOU FE HIT.

Jean Junior BOUTIN

BE Magazine

Al gade videyo “File m’ an kreyol” la:

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s